Slekta mi

I Knarvik Frivilligsentral kallar vi denne opne samlingsstaden for "Slekta mi".

Det har vore ei djup interesse for slektshistorie i all tid og i dei siste åra har det eksplodert interesse for temaet.   Dels grunna aukande tilgang til informasjon frå dei offentlege registra og dels grunna tilgang til stadig betre dataprogram som kan handtere den enorme datamengden eit slektstre kan innehalde. 

Knarvik Frivilligsentral har vore så heldig å kunne nytte kunnskapen til Lindås sogelag og Bygdeboknemda for Lindås sokn i kursing i temaet. Men vi veit alle at eit kurs har ein start og ein slutt, og etter det så kan det bli stille. Då er det greit å ha ein møteplass kor vi kan få hjelp i leitinga etter kjelder om våre eigne slekter.

Slekt og Data Hordaland har mange nyttige kveldskurs. Les meir her

Slekta Mi er ein uformell møteplass med utveksling av erfaring og tips om slektshistorie. Vi starta opp 21 sept 2021 med ei samling kor vi snakka om vegen vidare. Der bestemte vi at vi vil prøve med ei samling kl 13-15 første tysdag i månaden.

Det er viktig å halde seg orientert om kor ein kan finne relevant informasjon. Difor har vi vore på besøk hjå

• Statsarkivet som ligg i Bergen. Dette flotte arkivet har vi besøkt fleire gonger.
• Byarkivet i Bergen. Her var vi vore fleire gonger, mellom anna 27 sept 2022. Tusen takk til Ragnhild Botheim og hennes kollega Tor Magnus.
• Kronstad hovedgård i Bergen. Også her var vi vore fleire gonger. Dette er staden kor Slekt og Data Hordaland held til. Stor kompetanse på slektsforskning. Slekt og Data Hordaland har mange arrangement kor du kan få god hjelp.
• Spesialsamlingane på Universitetet i Bergen

Samlingane har vore gode og nyttige og vi har hatt følgjande temaer:

• Digitalarkivet, søking på informasjon
• Nasjonalbiblioteket
• Folketeljingar
• DNA - ei grunnleggjande innføring
• Gotisk skrift
• Kildebruk og kildeorganisering
• Programvare
• Og mykje anna....

Ukjent arving på besøk

Mange TV-program har fått "heile Noreg" til å bli meir interessert i sin eigen familie og slekt. Mellom anna NRK-serien "Ukjent arving" er veldig populær. Den 30 nov 2022 var vi så heldige å få besøk av produsent/journalist Oddbjørn Rossnes og programleiar Tarjei Strøm. Det blei ein flott samtale med tittel "Menneske, soga, håp og kjærlegheit"

Kunnige folk på arkiv og slektsdata var tilstades for å gje fagleg innsikt i tematikken skulle det dukke opp ønskje om det. Arrangementet var eit samarbeid mellom Lindås Sogelag, Slekt og Data Hordaland og Knarvik Frivilligsentral.

Oddbjørn Rossnes og Tarjei Strøm