I Knarvik Frivilligsentral kallar vi det "Slekta mi".

Det har vore ei djup interesse for slektshistorie i all tid men i dei siste åra har det eksplodert interesse for temaet.   Dels grunna aukande tilgang til informasjon frå dei offentlege registra og dels grunna tilgang til stadig betre dataprogram som kan handtere den enorme datamengden eit slektstre kan innehalde. 

Knarvik Frivilligsentral har vore så heldig å kunne nytte kunnskapen til Lindås sogelag og Lindås bygdeboknemd i kursing i temaet. Men vi veit alle at eit kurs har ein start og ein slutt og etter det så kan det bli stille. Mange av oss står fast i leitinga etter kjelder om våre eigne slekter.

Slekt og Data Hordaland har mange nyttige kveldskurs. Les meir her

Slekta Mi er ein uformell møteplass med utveksling av erfaring og tips om slektshistorie. Vi starta opp 21 sept 2021 med ei samling kor vi snakka om vegen vidare. Der bestemte vi at vi vil prøve med ei samling kl 13-15 første tysdag i månaden.

Samlingane har vore gode og nyttige og vi har hatt følgjande temaer:

• Oppstart med prat om prosjektet
• Digitalarkivet, søking på informasjon
• Folketeljingar
• Juleavslutning, kort runde innom temaet DNA, køyreplan for våren 2022.
• Gotisk skrift
• Meir DNA
• Kildebruk og kildeorganisering
• Digital samling kring bruk av dei ymse dataprogrammane
• Besøke Statsarkivet (dette gjorde vi våren 2022)

Plan for hausten 2022 (sjå kalenderoppføringane)

• Slekstforskardag og slektsforskarkveld for å spreie informasjon
• Besøke Byarkivet
• Besøke Kronstad hovedgård kor Slekt og Data Hordaland held til.
• Besøke magasinet til Lindås Sogelag i Knarvik